Home > Bo Penshun

Bo Penshun

Bo ta akumulá na e momentunan aki bo penshun serka Fondo di Penshun Hulanda Karibense òf bo a hasi esei den pasado. Aki bo ta lesa mas tokante kon e areglo di penshun aki ta hinká den otro. Komo partisipante na e areglo di penshun di Fondo di Penshun Hulanda Karibense, bo tin derecho riba:

  • Entrada pa despues: esaki ta bo penshun di behes i ta kuminsá ora yega e edat ku ta duna derecho riba penshun.
  • Entrada pa bo famia: penshun di famia i penshun di huérfano.
  • Entrada ora di inkapasidat pa traha: E penshun di invalides

Entrada pa despues

Di gobièrnu: Penshun di behes (AOV)
Si bo ta nasé promé ku 1 di yanüari 1953 bo ta risibí e ora ei penshun di behes (AOV) for di bo 60 aña. Pa personanan nasé 1 di yanüari 1953 òf despues, e edat di penshun di behes ta subi. Na 2021 e edat di penshun di behes lo ta 65 aña. E penshun di bo fondo di penshun bo ta risibí riba e penshun di behes. Wak pa mas informashon riba www.rijksdienstcn.com.

Di bo fondo di penshun: penshun di behes
Si bo ta nasé 1 di yanüari 1953 bo ta risibí for di bo 60 aña un pago di e fondo di penshun. Pa personanan nasé 1 di yanüari 1950 òf despues, e edat di penshun ta subi. Bo ta lesa mas di e edat di penshun na penshun di gobièrnu. For di momentu ku bo baha ku penshun bo ta risibí mensualmente un kompensashon di penshun di bo fondo di penshun. E pago di penshun aki bo ta risibí bo bida largu.

Penshun pa famia

Di gobièrnu: Lei general di viuda, viudo i huérfanonan (AWW)
Ora bo fayesé, bo partner òf yunan posiblemente tin derecho riba un kompensashon di gobièrnu. Esei ta reglá den e lei general di viuda, viudo i huérfanonan (AWW). Bo partner mester pidi e kompensashonnan aki serka Rijksdienst Caribisch Nederland. E instansia aki ta regla e AWW na nòmber di gobièrnu. Wak pa mas informashon riba www.rijksdienstcn.com.

Di bo fondo di penshun: Penshun pa famia
Huntu ku akumulashon di bo penshun di behes, bo ta akumulá tambe penshun di famia i penshun di huérfano pa bo famia ku keda atras. E kompensashon pa famia i penshun di huérfano ta mará na e penshun di behes ku lo bo por a alkansá si bo a keda partisipá na areglo di penshun te ku e fecha di baha ku penshun. Bo ta lesa mas tokante esaki bou di penshun di famia i di huérfano.

trada ora di inkapasidat laboral

Di gobièrnu: kompensashon di plaka di malesa
Si bo bira inkapas pa traha pa motibu di malesa, bo tin mínimo dos aña derecho riba plaka di malesa despues di e di tres dia di notifikashon di malesa. Rijksdienst Caribisch Nederland ta ehekutá e lei di seguro di malesa BES.

Di e fondo di penshun: penshun di invalides
Den kaso di desabilidat ta reglá den e fondo di penshun ku bou di kondishonnan bo tin derecho riba un penshun di invalides.