Home > Bo Penshun > Bo ta konstruí penshun

Bo ta konstruí penshun

Bo penshun ta derivá di e averahe di bo entrada durante di bo partisipashon na e areglo. Esaki nan ta yama tambe un sistema di averahe di sueldo. Fundashon Fondo di Penshun Hulanda Karibense ta informá bo ku regularidat tokante di bo penshun serka Fundashon Fondo di Penshun Hulanda Karibense. Si na e momentunan aki bo ta akumulando penshun, e ora ei bo ta risibí un bes pa aña un resúmen di e penshun. Den e resúmen di penshun ei bo ta mira kiko bo a akumulá i kiko bo por akumulá te na bo fecha di penshun.

Kon bo ta akumulá bo penshun?

Tur aña bo ta akumulá un parti chikitu di bo penshun. E penshun ei ta basá riba bo entrada den e aña ei. Tur e partinan aki di e penshun ta forma huntu bo penshun na final. Bo no ta akumulá penshun riba henter bo salario. Tur luna ku bo ta den servisio di bo dunadó di trabou, bo ta akumulá un parti chikitu di penshun riba e base di penshun ku ta konta pa bo den e luna ei. Bo ta akumulá mensualmente un diesdos parti di 1,75% di e base di penshun.

Kiko ta e base di penshun?

E base di penshun ta igual na e diferensia entre e salario ku ta duna penshun fultaim i e franchise fultaim. Ta multipliká e diferensia aki ku e faktor partaim den e luna ei. E franchise ta e parti di e entrada riba kua bo no ta akumulá penshun. Esei ta pa motibu ku for di e edat ku ta duna derecho riba penshun di behes bo tin derecho riba pago di penshun di behes (AOV).

Bo ta akumulá penshun tambe pa bo famia?

Ora bo fayesé, bo partner ta risibí un penshun di famia. Si bo tin yu, nan por haña un penshun di huérfano. Mas tokante di esaki bo ta lesa bou di penshun di famia i di huérfano.

Penshun di famia i huérfano

Pago di AWW di parti di gobièrnu
Ora bo fayesé, bo partner i òf yunan posiblemente tin derecho riba un kompensashon di parti gobièrnu. Esei ta reglá via di e lei general di viuda, viudo i huérfanonan (AWW). Bo partner mester pidi e kompensashon aki serka Rijksdienst Caribisch Nederland. E instansia aki ta regla e AWW na nòmber di gobièrnu. Wak pa mas informashon riba www.rijksdienstcn.com.

Penshun di famia di Fondo di Penshun
Huntu ku akumulashon di bo penshun di behes bo ta akumulá tambe penshun di famia i penshun di huérfano pa bo famia ku keda atras. E kompensashon di e penshun di famia i di huérfano ta mará na e penshun di behes ku bo tabata por a alkansá si bo a keda partisipá na e areglo di penshun te na momentu di e fecha di bai ku penshun.

Penshon di famia

Si bo fayesé durante di bo partisipashon na e areglo di penshun aki i bo tabata kasá, bo partner lo risibí e ora ei un kompensashon pa bida largu. E penshun di famia pa bo partner ta igual na 70% di e penshun di behes ku alkansá. Si bo sali for di servisio, e penshun di famia ta 70% di e penshun di behes akumulá.

Penshun di huérfano

Bo yu(nan) ta risibí ora bo fayesé te ku 21 aña (studiantenan i esnan desabilitá te ku 25 aña), un penshun di huérfano tanten ku nan ta kumpli ku e kondishonnan pa esaki. Si e huérfano ta òf tabata kasá, e no tin derecho riba e penshun di huérfano. Bo yu(nan) pa kua bo tabatin obligashon di mantenshon òf yu(nan) di kriansa, tin bou di kondishonnan derecho tambe riba penshun di huérfano.

E penshun di huérfano ta 14% di e penshun di behes. Si ámbos pariente a fayesé, e ora ei e penshun di behes ta 28% di e penshun di behes.

Ta hisa mi penshun?

Bo penshun akumulá ta subi kada aña. Asina bo penshun ta subi huntu ku e maksimal di e desaroyo di preis. E fondo mester tin sufisiente plaka si den kaha. Bo ta lesa aki mas tokante di oumentu di bo penshun.