Home > Bo Penshun > Bo ta risibí penshun

Bo ta risibí penshun

Si bo ta risibí penshun kaba di Fondo di Penshun Hulanda Karibense, bo ta haña riba e página aki informashon práktiko tokante di bo penshun, manera tokante di e fecha di pago di bo penshun i kiko bo mester hasi si bo muda pa eksterior.

Fechanan di pago

For di momentu ku bo tin derecho riba penshun, bo ta risibí bo penshun kada bia fin di luna. Bo no ta risibí plaka di vakashon apart, esaki ya ta inkorporá den bo pago di penshun. Tur luna bo ta risibí un spesifikashon di bo pago di penshun.

Fecha final di e kompensashon

Ta paga bo penshun di behes pa bida largu. E ta para riba e último dia di e luna ku bo fayesé. E fondo di penshun ta pidi tur aña un prueba ku bo ta na bida ainda. Nos ta mandá bo p'esei e formulario 'Prueba di ta na bida'. Bo ta laga Registro Sivil lokal òf un notario lokal yena e formulario aki. E formulario aki bo mester manda tur aña pa nos. Si bo no hasi esaki, ta para bo penshun.

Deklarashon di gastunan anual

Si bo ta ku penshun, bo ta risibí un deklarashon anual di e fondo di penshun. Aki den tin eksaktamente pará kuantu penshun bo a risibí den e aña anterior i kiko a retené na impuesto i prima di seguro di kuido. E deklarashon anual bo por uza huntu ku bo deklarashon di impuesto.

Mudansa

Bo mester pone e fondo di penshun por eskrito na altura di mudansanan. Bo por risibí bo penshun tambe den eksterior. Ta dependé di e pais unda bo ta biba, si bo ta paga impuesto den Hulanda Karibense òf nò. Hulanda òf Hulanda Karibense tin palabrashonnan ku un kantidat di pais. A palabrá ku nan ku bo ta paga impuesto den e paisnan ei, na lugá di na Hulanda (Karibense). Bo ta bai muda pa un di e paisnan ei? E ora ei bo mester tuma kontakto ku e fondo di penshun pa papia tokante di bo situashon. Pa mas informashon bo por tuma kontakto ku Servisio di Impuesto (telefon: +599 717 8333).

Kumpramentu di e penshun

E balor di bo penshun di behes akumulá ta mas abou ku $ 123.32 pa luna (2013) riba e dia ku bo ta bai ku penshun? E ora ei bo ta risibí henter bo penshun di behes komo un suma den un solo tiru.