Home > Bo Penshun > Pagonan èkstra

Pagonan èkstra

Ora e preisnan subi e pregunta ta:

Bo penshun ta retené su balor?

E fondo konosé un areglo di pago èkstra kondishonal. Punto di salida eiden ta ku ta adaptá e derechonan riba penshun den futuro i e derechonan riba penshun en prinsipio anualmente entrante 1 di yanüari na e subida di kosto di bida.

Den ki grado ta duna pago èkstra ta dependé di e posishon finansiero di e fondo.
Si ta konsiderá e posishon finansiero di e fondo sufisiente, en prinsipio lo duna indeksashon kompletu.

Si e posishon finansiero di e fondo no ta alkansá, lo no duna òf solamente lo por duna parsialmente indeksashon. E kòrtamentu riba indeksashon ta konta den igual grado pa tantu derechonan riba penshun den futuro (partisipantenan i èks partisipantenan) komo pa derechonan riba penshun (penshonadonan). E loke a kòrta di indeksashon lo por keda duná tòg si e posishon finansiero bira sufisiente den futuro (indeksashon posterior). E porsentahe di e indeksashon posterior ta maksimal igual na e suma di e adaptashonnan di salarionan di karakter general ku no a duna den pasado.

Anualmente direktiva di e fondo ta stipulá si i te kon leu e posishon finansiero di e fondo ta alkansá pa finansiá e indeksashon menshoná den e partinan anterior. Kaba e direktiva di e fondo ta disidí si i te kon leu por duna e indeksashon menshoná anterior kompleto òf parsial. Dunamentu di e pago èkstra ta finansiá for di rendimentunan èkstra. No ta eksistí derecho riba pagonan èkstra. E fondo no ta warda reserva pa por duna pagonan èkstra den futuro. Tambe ta apliká oumento riba e prima pa dunamentu di pago èkstra.

Un desishon pa den kualkier aña duna pago èkstra, no ta duna garantia riba pagonan èkstra den añanan benidero. Tambe dunamentu di pago èkstra konsekutivo atraves di un seri di aña, no ta limitá e libertat di maneho di e direktiva di e fondo.

Direktiva di e fondo ta ehekutá por lo ménos un bia den tres aña un análisis di kontinuidat, ku ta duna entre otro bista den e grado por spera ku lo por konsedé e pago èkstra kondishonal.