Home > Kambionan > Den bo trabou

Den bo trabou

Aki bou bo ta haña un resúmen di e kambionan den bo trabou ku por tin influensia riba bo penshun.

  • Traha mas òf ménos
  • Otro trabou
  • Desempleá
  • Inkapasitá pa traha

Traha mas òf traha ménos

Si bo bai traha mas òf traha ménos, esei den hopi kaso tin konsekuenshanan pa bo penshun. E sumanan ku e fondo di penshun ta pone un banda pa bo penshun ta basá riba bo salario. Si bo bai traha mas òf traha ménos, bo salario ta kambia i pues bo penshun tambe. Si bo ta bai traha mas ora, bo ta akumulá mas penshun. Si e bira ménos, bo ta akumulá tambe ménos penshun. Ta adaptá e altura di bo prima di penshun outomátikamente. Bo no mester hasi nada.

Otro trabou

Si bo kambia di trabou, e siguiente asuntunan ta importante.

Derecho liber di prima
Bo a tuma parti na e areglo di penshun di PCN i bo ta bandoná servisio? E ora ei bo ta keda ku derecho riba bo penshun di behes. Esaki ta igual na e penshun di behes ku bo a akumulá te na e momentu ei.

Kambio di dunadó di trabou
Bo ta sali for di servisio di gobièrnu, enseñansa, kuido i entidatnan liá ku nan den Hulanda Karibense? E ora ei bo akumulashon di penshun ta terminá serka e fondo di penshun. Si bo ta bai pa un otro dunadó di trabou probablemente bo ta akumulá einan mas penshun. E penshun ku bo a akumulá serka Fondo di Penshun Hulanda Karibense, ta keda di bo. Bo por lag'é keda serka e fondo di penshun aki. òf bo por bai kuné pa bo fondo di penshun nobo òf kompania di seguro di bida unda bo ta akumulá bo penshun.

Traspaso di balor
Si bo hiba bo penshun ku bo, nan ta yama esei traspaso di balor. Bo ta pidi un traspaso di balor por eskrito serka bo fondo di penshun nobo òf bo kompania di seguro di bida. Denter di dos luna bo ta risibí un oferta. Si bo bai di akuerdo ku e oferta ei, e traspaso di balor di PCN pa e fondo di penshun nobo òf kompania di seguro di bida lo tuma lugá.

Desempleá

Ora di desempleo bo relashon di trabou ku bo doño di trabou ta terminá. Si bo no ta traha mas, bo no ta paga prima di penshun mas i bo no ta akumulá penshun. E penshun ku bo a akumulá, ta keda wardá bo serka e fondo di penshun.

Inkapasitá pa traha (inválido)

Bo ta permanente inkapasitá pa traha i bo no por traha mas? E ora ei bo lo por tin derecho riba un penshun di invalides. Bo ta pidi esaki serka e fondo di penshun. E fondo di penshun ta disidí riba bo petishon, despues ku un dòkter a kùr bo. E penshun di invalides ta igual na e penshun di behes ku bo lo por a alkansá na e edat ku ta duna derecho riba penshun di behes (AOV), mas un pago èkstra te na e edat ku ta duna derecho riba AOV. E altura di e pago èkstra aki ta 1,75% di e franchise multipliká ku e kantidat di añanan den servisio te na e edat ku ta duna derecho riba de AOV.