Home > Kiko ta penshun? > Di gobièrnu

Di gobièrnu

Gobièrnu ta sòru pa un entrada básiko na momentu di bai ku penshun òf di inkapasidat pa traha. Banda di esei gobièrnu ta paga tambe den sierto kasonan un kompensashon na bo famia si bo fayesé.

Penshun

Bo a nase promé ku 1 di yanüari 1953? E ora ei bo ta risibí for di ora bo kumpli 60 aña un penshun di behes di gobièrnu. Pa personanan nasé dia 1 di yanüari 1953 òf despues, e edat di penshun ta subi. Na 2021 e edat pa penshun di behes lo ta 65 aña. E subida ta bai den e siguiente pasonan:

Nasé: Ku penshun ku:  Ku penshun na: 
Promé ku 1 di yanüari 1953 60 aña  
1953 62 aña 2015 
1954 63 aña 2017
1955 64 aña 2019
Entrante 1 di yanüari 1956 65 aña 2021

Penshun di behes ta un penshun básiko pa tur hende ku a biba i òf a traha den Hulanda Karibense. Rijksdienst Caribisch Nederland ta paga e penshun aki. Bo ta risibí penshun di behes (AOV) tanten bo ta na bida. Bo ta lesa aki mas tokante di e Penshun di Behes (AOV).

Pago despues di bo fayesimentu

Despues ku bo fayesé, bo partner i òf bo yunan, posiblemente ta risibí un pago di gobièrnu a base di e lei 'Algemene weduwen- en wezenwet' (AWW), e lei general di viuda, viudo i huérfano. E kompensashon ku bo partner ta risibí yama penshun di viuda, viudo i huérfano (penshun di AWW). Muchanan di 0 te ku 14 aña ta risibí outomátikamente un penshun di huérfano. Yunan di 15 te ku 24 aña tin derecho riba e penshun di huérfano si nan ta inválido, òf si nan ta dediká nan tempu kompleto òf pa gran parti na estudio. Rijksdienst Caribisch Nederland ta ehekutá e areglo aki. No ta tur hende ta risibí un kompensashon di AWW. Bo mester kumpli ku sierto kondishonnan. Bo ta lesa aki mas tokante di AWW.

Kompensashon durante bo ta inkapas pa traha

Si pa motibu di malesa bo bira inkapasitá pa traha, bo tin máksimo di dos aña derecho riba e plaka di malesa despues di e di tres dia ku a mèldu malu. Rijksdienst Caribisch Nederland ta ehekutá e areglo aki. Bo ta lesa aki mas tokante di Seguro di malesa BES.