Home > Preguntanan hasí frekuente

Preguntanan hasí frekuente

  • Akumulá penshun

    • Di kon mi no ta akumulá penshun riba henter mi salario?

      Despues ya bo ta risibí tambe un kompensashon di AOV di gobièrnu. P'esei no ta nesesario pa bo akumulá penshun riba henter bo salario. E suma pa kua bo no ta akumulá penshun, ta yama franchise.
    • Mi por akumulá mas penshun?

      No, den e areglo di penshun bo no por konstruí mas penshun. Legalmente ta stipulá kuantu penshun bo mag akumulá. Eventualmente bo por akumulá mas penshun si den un aseguro individual.
    • Mi por stòp tambe di akumulá penshun?

      No, esei no por. Bo ta obligá pa partisipá na e areglo di penshun di bo dunadÓ di trabou.
  • Fayesimentu

    • Kuantu tempu ta kompensá e penshun di famia?

      Ta kompensá e penshun di famia pa bida largu na bo partner. Bo yunan ta risibí ora bo fayesé te ku 21 aña penshun di huérfano (studiante i muchanan desabilitá te 25 aña), tanten si nan ta kumpli ku e kondishonnan menshoná ariba. Si e huérfano ta kasá òf tabata kasá, no ta eksistí derecho riba penshun di huérfano.
    • Mi partner outomátikamente ta risibí penshun di famia?

      No, bo famia mester informá e fondo di penshun ku bo a fayesé. Te e ora ei numa e fondo di penshun por kompensá e penshun di famia na bo partner.
    • Mi por troka e penshun di famia pa un propio penshun di behes mas haltu?

      No, bo no por usa e penshun di famia (troka) pa un penshun di behes mas haltu.
  • Inkapasidat laboral

    • Mi mes mester informá fondo di penshun di mi inkapasidat laboral?

      E doño di trabou ta informá e fondo di penshun di esaki. Pa siguridat bo mes tambe por informá e fondo di penshun di esaki.
  • Man na obra

    • Kiko mi mester tene na bista ora mi ora mi drenta den servisio un kaminda?

      Si bo a drenta servisio un kaminda e ora ei ta importante pa bo sa kuantu penshun bo ta akumulá. I si esei despues ta sufisiente pa bo. Tambe bo por wak si ta prudente pa bai ku bo penshun di bo doño di trabou anterior pa esun nobo. Esaki nos ta yama traspaso di balor.
    • Kon ta informá mi tokante mi penshun?

      Tur aña bo ta risibí un resúmen di bo penshun for di bo fondo di penshun. Chèk e resúmen aki bon, komo ku e ta bai tokante bo entrada pa despues. Despues ku bo a kuminsá partisipá na e areglo di penshun, bo ta risibí informashon amplio tokante bo areglo di penshun. Si bo ta deseá mas informashon, bo por tuma kontakto ku e fondo di penshun.
  • Mudansa

    • Mi mester informá e fondo di penshun di mi kambio di adrès?

      Si, si bo muda, informá e fondo di penshun esaki por eskrito.
  • Otro trabou

    • Di kon lo mi mester bai ku mi penshun na mi doño di trabou nobo?

      Pasobra e ora ei bo ta tene tur bo penshun huntu. Bo no ta risibí penshun di mas ehekutor di penshun. Den sierto kaso ta atraktivo pa bai ku bo penshun. Den otro kasonan ta lo no ta prudente pa bai ku bo penshun. Puntra bo konsehero finansiero konseho tokante esaki.
    • Mi ta pèrdè mi penshun ora mi kita for di trabou?

      No, penshun una bes akumulá ta i ta keda di bo. Bo por laga bo penshun para serka bo fondo di penshun òf bai kuné na bo ehekutor di penshun nobo.
  • Oumento di penshun

    • Di kon un oumento ta importante pa mi penshun?

      Pasobra bo penshun di otro manera no ta subi huntu ku preisnan. Pe motibu ei e penshun ta bai atras na forsa di kompra i den futuro lo bo por kumpra ménos ku awor.
    • Ken ta disidí si mi penshun ta subi huntu ku e preisnan?

      E direktiva di e fondo di penshun ta stipulá anualmente si bo penshun ta subi. E desishon aki ta dependé entre otro di e situashon finansiero di e fondo di penshun.
    • Kiko ta sosodé si mi penshun no subi den sierto aña?

      E ora ei bo penshun no a subi den e aña ei. Si bo no risibí oumentu durante mas aña esei ta afektá bo forsa di kompra despues di bo fecha di penshun. Bo por tuma medida na tempu dor di pone plaka un banda pa despues, promé ku bo fecha di penshun.
  • Penshun di gobièrnu

    • Ki momentu mi ta risibí penshun di behes (AOV)?

      Bo ta risibí un kompensashon di AOV di gobièrnu for di for di bo edat ku ta duna bo derecho riba bo AOV. Mas informashon tokante esaki bo ta topa riba e website www.rijksdienstcn.com
    • Kuantu e AOV ta?

      Mas tokante e altura di e AOV bo ta lesa riba e website www.rijksdienstcn.com.
    • Mi partner ta risibí un penshun di gobièrnu momentu ku mi fayesé?

      Bo partner por tin derecho riba un kompensashon di AWW. Mas tokante esaki bo ta haña riba www.rijksdienstcn.com.
  • Penshun di trabou

    • Mi mes mester mèldu pa un areglo di penshun?

      No, esaki ta sosodé outomátikamente. Despues ku bo kuminsá partisipá, bo ta haña mas informashon di bo fondo di penshun.
    • Mi por lebumai partisipashon na e areglo di penshun?

      No, bo ta obligá pa partisipá na e areglo di penshun.
    • Mi ta outomátikamente sigurá pa penshun di partner pa mi partner?

      Si, si bo ta kasá òf tin un relashon di partner registrá, outomátikamente bo ta segurá.
  • Risibí penshun

    • Fondo di penshun ta tene kuenta ku e parti liber di impuesto?

      Departamentu di Asuntunan Sosial di Rijksdienst Caribisch Nederland ta tene kuenta ku e parti liber di impuesto riba bo kompensashon i AOV. Si e parti liber di impuesto ta mas haltu ku bo kompensashon di AOV, bo por usa e sobrá di e parti liber di impuesto pa bo kompensashon di penshun di e fondo di penshun. Fondo di Penshun por tene kuenta ku esaki si na inisio di bo kompensashon di penshun bo informá di bo kompensashon di AOV.
    • Mi mester paga impuesto riba mi penshun den eksterior tambe?

      Esei ta dependé di palabrashonnan ku tin entre Hulanda Karibense i e pais na unda bo ta biba òf ta bai biba.
    • Mi por risibí mi penshun riba mas ku un kuenta?

      No, esei no ta posibel.
  • Sparmentu propio

    • Mi por spar pa èkstra penshun dentro di mi areglo di penshun?

      Serka e fondo di penshun no tin posibilidat pa spar aserka, tin diferente alternativa pa spar pa èkstra penshun. Esaki por dor di spar bo mes, invertí, sera un seguro òf konstruí fortuna for di por ehèmpel bo propio kas òf akshonnan.
  • Yunan

    • Mi mes mester mèldu mi yunan serka e fondo di penshun?

      No, esei no ta nesesario. Ta despues di bo fayesimentu e fondo ta averiguá si bo tin yu.