Di bo trabou

Tur hende ku ta traha den e ramo di empresa di gobièrnu, enseñansa, kuido i entidatnan liá na Hulanda Karibense obligatoriamente ta akumulá penshun via e doño di trabou serka Pensioenfonds Caribisch Nederland (PCN). E penshun suplementario akí bo risibí despues riba e entrada básiko (AOV) di gobièrnu.

Akibou bo ta lesa kiko tin reglá pa bo i bo eventual famia den e areglo di penshun di PCN.

Penshun di behes

For di bo fecha ku bo bai ku penshun bo ta risibí penshun pa restu di bo bida, nos ta yama esaki penshun di behes. Esaki ta bo entrada despues ku bo baha ku penshun. Aki bo ta lesa mas tokante bo penshun pensioenregeling.

Penshun despues di fayesé

Despues ku bo fayesé bo eventual partner i/òf bo yunan ta risibí penshun di PCN. Esaki ta konta solamente pa e partner ku bo ta(bata) kasá kuné. Bo eventual partner ta risibí despues ku bo fayesé pa restu di su bida un penshun di sobrebibiente.

Bo eventual yunan ta risibí te ku nan 21 aña penshun di huérfano di PCN. Aki bo ta lesa mas tokante kiko ta reglá p’abo famia despues ku bo fayesé overlijden.

Penshun den kaso di malesa

Si bo resultá inkapasitá pa traha bo tin e ora ei – bou di kondishonnan – derecho riba un penshun di desabilidat. Aki bo ta lesa mas tokante penshun i desabilidat invaliditeit.