Bo Penshun

Aktualmente bo ta konstruyendo penshun serka PCN òf den pasado bo a konstruí penshun aki. Komo (anterior) partisipante di PCN bo tin derecho riba:

  • Entrada pa mas despues: esaki ta bo penshun di behes i ta drenta na vigor riba bo edat ku ta duna derecho riba AOV.
  • Entrada pa bo sobrebibientenan si bo fayesé: esaki ta e penshon di sobrebibiente i wérfano.
  • Entrada den kaso di inkapasidat laboral: esaki ta e penshun di invalides.

Entrada pa mas despues

Di gobièrnu: AOV

E edat ku ta duna derecho riba AOV ta dependé di e aña ku bo a nase:
NASÉ EDAT DI PENSHUN STANDART
Promé ku 1 di yanüari 1953 60 aña
1953 62 aña
1954 63 aña
1955 64 aña
Desde 1 di yanüari 1956 65 aña

Wak pa mas informashon riba www.rijksdienstcn.com.

Di bo fondo di penshun: penshun di behes

E penshun di bo fondo di penshun bo ta risibí adishonal riba bo AOV.
E fecha ku bo penshun di PCN ta drenta na vigor ta igual na e edat di AOV.
For di momentu ku bo baha ku penshun bo ta risibí mensualmente un pago di penshun di bo fondo di penshun. E pago di penshun akí bo ta risibí pa bida largu.

Penshun pa sobrebibientenan

Di gobièrnu: AWW

Ora bo fayesé, bo partner i/òf yunan posiblemente tin derecho riba riba un kompensashon di gobièrnu. Esei ta reglá via e Lei general di viuda i wérfano (AWW). Bo partner mester pidi e kompensashon akí serka Rijksdienst Caribisch Nederland. E instansia akí ta regla e AWW na nòmber di gobièrnu. Wak pa mas informashon riba www.rijksdienstcn.com.

Di bo fondo di penshun: penshun di sobrebibiente

Pareu ku bo ta konstruyendo bo penshun di behes bo ta konstruí tambe penshun di sobrebibiente i di wérfano pa bo sobrebibientenan.

Pago di e penshun di sobrebibiente i wérfano ta mará na e penshun di behes ku lo bo lo por a alkansá si bo a keda partisipá den e areglo di penshun te na bo edat di penshun.

Bo ta lesa mas tokante esaki riba penshun di viuda i wérfano.

Entrada den kaso di inkapasidat laboral

Di gobièrnu: Pago di plaka di malesa

Si pa motibu di malesa bo bira inkapasitá pa traha, bo tin maksimal dos aña (ámtenarnan kuater aña) derecho riba plaka di malesa despues di e di tres dia di e notifikashon di malesa. Rijksdienst Caribisch Nederland ta ehekutá e Lei di seguro di malesa BES.

De e fondo di penshun: Penshun di invalides

Den kaso di inkapasidat laboral permanente pa e funshon, despues di e periodo ariba menshoná, bo lo por tin derecho riba un penshun di invalides (bou di sierto kondishon). Wak pa mas informashon riba Den bo trabou - Inkapasitá pa traha (inválido).