Penshun di sobrebibiente i wérfano

Kiko tin reglá pa eventual miembronan di bo famia ora di fayesimentu? Esei bo ta lesa aki bou.

Pago di AWW di gobièrnu

Ora bo fayesé bo partner i/òf yunan posiblemente tin derecho riba un kompensashon di gobièrnu. Esei ta reglá den e Lei general di viuda- i wérfano, Algemene weduwen- en wezenwet (AWW). Bo partner mester pidi e kompensashonnan akí serka Rijksdienst Caribisch Nederland. T’asina ku ta RCN ta regla e AWW na nòmber di gobièrnu. Wak akí pa mas informashon: rijksdienstcn.com

Penshun di sobrebibiente di bo fondo di penshun

Pa e partner

Bo ta fayesé durante ku bo ta partisipando den e areglo di penshun i bo ta kasá na e momentu ei? E ora ei bo partner ta risibí pa bida largu un penshun di sobrebibiente di PCN. E penshun akí ta suma 70% di e penshun di behes ku por alkansá. Esaki ta e penshun ku abo lo por a alkansá si bo lo a keda partisipá den e areglo di penshun te na e fecha di penshun.

Si tin asuntu di fayesimentu despues di e fecha di penshun? E ora ei bo partner ta risibí 70% di e penshun di behes.
Bo no a bai ku penshun ainda, pero bo no ta konstruí penshun mas serka PCN? E ora ei bo partner ta risibí ora bo fayesé 70% di e penshun di behes ku ya a konstruí kaba.

Pa e yunan

Bo eventual yu(nan) ta risibí ora bo fayesé te ora nan hasi 21 aña (studiante- i yunan desabilitá te ora nan hasi 25 aña) un penshun di wérfano tanten ku nan ta kumpli ku e kondishonnan korespondiente.
Tambe yunan pa kende bo tabatin un obligashon di mantenshon òf yu(nan) di kriansa tin derecho riba penshun di wérfano bou di sierto kondishonnan.


Bo yu ta kasá òf tabata kasá? E ora ei no tin derecho riba penshun di wérfano.
E penshun di behes ta suma 14% di e penshun di behes. Si e yu no tin niun mayor mas despues ku bo fayesé, e ora ei e penshun di wérfano ta suma 28% di e penshun di behes.