Bo ta risibí penshun

Riba e página akí bo ta haña informashon práktiko tokante bo penshun.

Fechanan di pago

For di momentu ku bo tin derecho riba penshun, bo ta risibí bo penshun kada bes na fin di kada luna. Bo penshun ta poné pa mas tardá riba 21 di e luna riba bo kuenta. Esaki no ta e kaso? Tuma e ora ei kontakto ku nos.

Spesifikashon di penshun

Bo ta risibí na komienso di bo penshun un spesifikashon di bo penshun nèto. PCN ta sòru pa retenshon i traspaso di e impuesto di suèldu (loonbelasting) i primanan rekerí. Tambe nos ta tene kuenta ku e AOV ku bo ta risibí riba e islanan BES. A hasi e palabrashon akí ku servisio di impuesto BES. Esaki ta evitá ku (eventualmente) bo ta risibí un rekargo despues (naheffing) di servisio di impuesto.
Anualmente bo ta risibí na yanüari un spesifikashon di penshun pa e aña konserní. Den esaki e suma liber di impuesto i e sumanan nobo di AOV ta prosesá.
Tin algu ta kambia den e montante di bo pago? Den e kaso ei semper bo ta risibí un spesifikashon nobo di esaki.

Fecha final di pago

Ta paga e penshun di behes pa bida largu. E ta stòp riba e último dia di e luna den kua bo fayesé. PCN ta pidi tur luna un prueba ku bo ta bida ainda. Nos ta manda bo p’esaki e formulario 'Bewijs van in leven zijn'.

Yena e formulario kada bia kompletamente i laga un outoridat kompetente firm’é, manera:

  • Un ámtenar di munisipio
  • Konsulado hulandes
  • Un ámtenar di polis
  • Un notario.
Otro outoridat no ta kompetente pa hasi esaki.

Bo mester manda e formulario tur aña pa nos. Si bo no hasi esaki, e ora ei e pago di bo penshun ta para.

Ta paga e penshun solamente despues di risibí e formulario. Lo paga e lunanan atrasá e ora ei den un solo tiru. Tene na kuenta ku esaki por tin konsekuensia pa bo penshun nèto. Ya ku nos ta mará na e reglanan di impuesto di Servisio di Impuesto Hulanda Karibense.

Resúmen anual

Si bo a baha ku penshun, bo ta risibí un resúmen anual di PCN. Akiden tin pará eksaktamente kuantu penshun bo a risibí den e aña anterior i kiko a retené na impuesto i prima di seguro di kuido. E resúmen anual bo por usa ora di yena bo deklarashon di impuesto. PCN ta hasi esfuerso pa manda e resúmen anual den febrüari di kada aña.

Mudansa

Bo ta notifiká PCN òf na un di nos ofisinanan di mudansanan.
Bo por risibí bo penshun den eksterior tambe. Ta dependé di e pais unda bo ta biba si bo ta paga impuesto na Hulanda Karibense òf no. Pa mas informashon tokante esaki bo por tuma kontakto ku Servisio di Impuesto via +599 717 8333.

Benta di derecho riba penshun

E balor di e penshun di behes ku bo a konstruí riba e dia ku bo baha ku penshun ta mas abou ku un sierto mínimo? E ora ei bo ta haña henter penshon komo un suma den un solo tiru. E ora ei no tin derecho riba un pago mensual.

Entrante 1 di yanüari 2020 e siguiente sumanan anual bruto ta na vigor:
  • USD 11.606, si bo ta biba na Boneiru;
  • USD 1.593, si bo ta biba na Sint Eustatius;
  • USD 1.580, si bo ta biba na Saba;
  • USD 1.580, si bo ta biba pafó di e islanan BES